casa mariñana en llugones

el carbayu, llugonesxabel diz qu’enantes d’entamar entruga pol significáu de casa, de casería. que significáu tienen dafechu eses pallabres que tantu usamos ensin muncho cavilar lo que quieren dicir. la respuesta rápida son cuatro paredes y un techu. xabel diz qu’igual dende una visión solu arquitéctonica podría ser, hasta un teyáu sofitáu énte dos piedres pue valir de casa. ye más complexo y entá más si nun güeyamos al ámbitu urbanu.

n’asturies la casa nun ye solu la vivienda, la casa ye un conxuntu munchu mayor qu’acuel carbayu, llugoneseye dende la propia casa de vivir, les cortes, los praos… hasta axunta a xente que ye de casa pero nun vive nin vivió en casa pero que en dalgún momentu andechó o dalgún vínculu familiar vencéyalu a la casa.

la casa de les semeyes, a la que se refieren estes pallabres ye una casa de les conocíes nel centru d’asturies como mariñana. una tipoloxía que s’alcuentra en tolo que ye’l centru del país y principalmente nes zones costeres. nesti casu concretu ye una vivienda de colonos. ne dialnet atópase esti trabayu sobre l’ámbitu xeográficu de la ribera del nora énte los conceyos de llanera, uvieo y la parroquia de llugones https://app.box.com/s/6yroxlbcioacq2xwqg7ro17fau2cpt4v.

el carbayu, llugonesel 26 d’avientu el diariu la nueva españa d’uviéu daba anuncia de la desocupación de la última casa mariñana de llugones. nel artículu l’alministración daba dalgunes soluciones de continuidá a la construcción, como centru de visitantes y eses coses que venden tan bien nos fondos europeos y depués acaben, nunca nun meyor dicho, pa prau cuando la subvención escosa. naide proponía da-y una solución de continuidá tradicional a la casería, que ye lo que muerre dafechu y precisamente lo que se debiere caltener como modelu.

enllaz al artículu en la nueva españa https://app.box.com/s/as9qdk655ut5kp223m10a6ymcsbodnm4

el primer votu de xabeldiz (n’eslovaquia)

xabel diz que güei cellébrense ellecciones rexonales n’eslovaquia y como ciudadanu de la xunión europea tenía drechu a exercer el votu que ye lo que fexo. nun voi entrar munchu en cuestiones alministratives sobre como lo facer, el casu ye que nun tuvi que facer nengún rexistru especial nin coses rares como col estáu español d’andar rogando pa que depués te dean col hachu.

robert fico
robert fico. l’alcachofa tien un ciertu paecíu a la del comisariu européu almunia l’amigu de francisco frutos.

a quien votar? equí les coses nun son como n’asturies. equí la llende ente esquierda y derecha directamente nun esiste. equí lo qu’esiste ye la llende ente derecha y estrema derecha o directamente facismu. sí, hai un partíu SMER que se presenta como socialdemocrata, en dalguna rexón el nomináu partíu comunista, non homologáu nel partíu de la esquierda europea, diba en sofitu, pero ye una formación que nun solu abraza’l neolliberalismu sinon que, como en toda europa, rechaza l’acoyida a refuxaos.

sas mariahuana
somos modernos queremos privatizar el mundu y que la xente pueda consumir.

depués tán dellos partíos de dreches, dende neolliberales que defenden la llegalización del consumu de mariahuana, nun hai qu’escaecer que n’eslovaquia les riegles sobre’l consumu son mui estrictes, a neolliberales clásicos que nun quieren que la mariahuana se llegalice, tampocu quieren que’l colectibu LGTB se case o adopte y demás coses compartíes col PP. tán tamién los partíos húngaros que dependiendo de como baxe’l hron, un riu eslovacu, van col SME o solos.

kloteba
estos son los muy nazis. source: foreign policy magazine

y yá depués nel cestu de dar a comer entovía más a parte tán los ultraderechistes o directamente los fascistes. estos últimos van al parlamentu con bombers verdes y gorres prietes, amás de gobernar Banska Bystrica una rexón minera nel centru del país.

andrej danko
andrej danko si hai categorizaciones na estrema derecha esti taría al nivel facista en comparación con kloteba. source pravda

qué facer, qué votar? penselo abondo, dende si debía dir a votar y en casu de dir a quién votar. hasta xunu consideraba que viendo’l panorama lo meyor yera directamente pasar de dir. una charra cambió’l mio paecer y fici lo que me paeció meyor. garré’l boli bic y sobre una de les papeletes fici una X que cubriera tola fueya. tomé la segunda fueya, pusi’l boli bic sola mesma y fici otra X más pequeña en proporción a la fueya.

más información: http://www.nsd.uib.no/european_election_database/country/slovakia/parties.html

https://spectator.sme.sk/c/20686097/who-are-the-bratislava-region-candidates.html

quiero tomar una cerveza na barra’l bar y aldericar sobre zizek

taba queriendo escribir coses profundes pero nun toi pa ello dende va años. nestos tres años d’emigración lo que más echo en falta ye poder tomar una cerveza na barra’l chigre. toi fartu de que toles barres, cuando les hai, tean enllenes de coses nun dexando sitiu pa poder beber el cervezu de pie o sentáu nel taburete.

soi de barra dende qu’entame a salir, lo de sentase yera pa durmir o porque yá nun había sitiu na barra. la barra’l chigre ye un espaciu abiertu nel que se comparte dende’l periódicu a comentarios. un espaciu nel que se fala con xente a la que nun visti o esos que son conocíos porque tolos díes tán ehí y anque nun sabéis nin el nome charráis y aldericáis con ellos.

zizek, nes sos munches categorizaciones d’europa, escaez la de la barra’l chigre. intenta esplicar europea pel tamañu’l water o la forma de comer pero escaez qu’hai una europa que va al chigre a socializar y otra europa que va al chigre solu a beber. la primera, la de mio, emborráchase tamién pero socializa. por contra hai otra europa que nel chigre sigue en compartimientos estancos nos que la socialización ye más complicada.

les mios barres: sevilla, paragües, trisquel, posafueyes, esperteyu, román, puente romano, dakar, tropical, bodeguita.