Xabel diz que’l vienres, 1 de marzu, el tribunal superior de xusticia d’asturies anunciaba la sentencia que paraliza’l plan xeneral d’ordenación de xixón. a pesar de ser viéspora de fin de selmana esperábase una reacción sobre un asuntu qu’afecta directamente a un modelu de ciudá como ye, o foi, xixón. entrúgase si ye de recibu que la cuarta fuerza con representación institucional na mayor ciudá d’asturies entovía nun se pronunciara sobre una decisión xudicial, recurrible, sobre una norma na qu’izquierda xunida tuvo un papel protagonista, lo mesmo que col catálogu urbanísticu que la derecha xixonesa fae tolo posible por contrarreformar y baltar por activa y por pasiva.
pasaron dos díes de muncha tensión nel ámbitu d’izquierda xunida, marcaos por decisiones xudiciales, una d’elles entovía ensin aclariar y la otra, la que mos ocupa pola so importancia pa xixón, recurrible y que puede suponer la puntilla definitiva a un modelu de ciudá al que la izquierda alternativa contribuyó dende 1979, primeres elecciones municipales democrátiques tres de la II república. izquierda xunida en xixón siempres tuvo al momentu de tolo que pasaba na ciudá, tenía opinión y posicionamientu políticu, pero güei más parez que se dedique a lo que se podría dicir política de baxu costu, al populismu mediante la evasión de los temes críticos, pretendiendo que pasen ensin rozanos. pero, pa disgustu de dalgunos munchos siguimos siendo parte activa d’izquierda xunida xixón.
y a los dos díes apaecieron en prensa dos posicionamientos d’izquierda xunida xixón. el primera sobre’l metrotrén, a través del diputáu por asturies gaspar llamazares, y que lleva tola razón:
Llamazares acusa a Rajoy de certificar el «coma profundo» del metrotrén
nel desarrollu de la noticia’l conceyal voceru d’izquierda xunida xixón-los verdes diz:
nin una pallabra sobro’l plan xeneral d’ordenación, igual ye que la estación nun ta nel ámbitu del conceyu de xixón, igual ye que’l desenvolvimientu del plan de víes nun taba venceyáu al pxo, nun sabemos, nun tenemos argumentación como militantes de base pa defender el silenciu de la nuesa organización sobre la sentencia del tribunal superior de xusticia d’asturies qu’implica al conxuntu del conceyu de xixón.
un movimientu político y social como ye izquierda xunida escueye a los sos llíderes nes asamblees y conseyos políticos, asina amás del conceyal voceru n’izquierda xunida xixón tenemos a un coordinador local, se supón que dirixe l’actividá política local de la organización. nun se sabía nada d’elli hasta ue por fin aparez, pero non pa tratar cuestiones venceyaes al ámbitu de la sentencia, non firme y polo tanto recurrible, del tribunal superior de xusticia d’asturies sobre’l modelu d’ordenación urbana del conceyu de xixón, si non pa sumase a carros que nun pasen per xixón.
por más que digan les encuestes, eludir la realidá puede acabar con toles espectatives, esperar a un artículu’l miércoles nun diariu local ye munchu tiempu ensin que los y les militantes tengamos argumentos sobre la nuesa posición sobre’l pxo, seya la que seya porque lo importante ye saber y dar a conocer la posición política d’izquierda xunida xixón sobre l’urbanismu de la ciudá. saber si daveres izquierda xunida xixón quier ser alternativa social porque pa ello ye fundamental conocer la nuesa posición nos asuntos “difíciles” o en realidá quien dirixe la organización .
evitemos que la posición d’izquierda xunida xixón muerra
