Xabel diz que si ayeri espublizaba un entrada recuperada d’otru blogue de so güei quier siguir cuntando d’eses otres partes de cabrales qu’hai pel mundu. si lo d’ayeri yera una islla güei toca-y a bulnes tener el protagonismu. otru bulnes allá alantrones, pero tamién en chile, pa ser más concretos en biobio.
Con una estensión de 425km2, a 305 metros sobre’l nivel de la mar, suponemos pacífica, y a 88 km noroeste de Concepción la casería de larqui fundada en 1788, que’n 1839 adoptaría’l nome de santa cruz de bulnes y en 1887 algamaría’l títulu de ciudá de bulnes n’homenaxe al presidente chilenu manuel bulnes prieto.
porotos de bulnes
Anguaño cuenta con una población d’aprosimadamente 20.502 habitantes, con bones comunicaciones tanto per carretera, les panamericanes 5, 148 y 59 y l’autopista del itata, asina como pola estación de tren de bulnes. Tien la ciudá los barrios de santa clara, tres esquinas, los tilos, colón quillay, el roble, pite, santa rosa y larqui, que dan vida a les numeroses fiestes que se suceden a lo llargo de tol añu.
una de les actividaes de la ciudá de bulnes ye facer una llonganiza de 259 metros
Constitúi l’agricultura ún de los principales pegoyos de la economía local, produciéndose trigo, remolacha, pataques, porotos (fabes), tomate, maíz y avena; asina mesmo ye importantísima la producción d’arándanos, kiwis y frambuesa. de la vide dicir que se cuenta con 14 castes que dan sitiu a 34 variedaes de vino. Nun solu de sechar viven los habitantes de bulnes pos les vaques, gochos, caballos y oveyes son tamién una importantísima vía d’ingresu. la producción de camelies tamién ye un recurso fundamental hasta que la ciudá recibe’l nomatu de “la ciudad de las camelias”.
El sitiu web d’esta municipalidá chilena ye imb.cl ufriendo bona información sobre la vida de la ciudá, asina como interesantes índices de tresparencia, vamos como la “web” del conceyu cabraliegu.
eres bulnes ciudad con historia
como villa empezaste a alumbrar
y besando las aguas del larquia
la patria elevaste un altar
del himnu de la ciudá de bulnes
